ILS DUS DA NUS
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
Tut las episodas
Zum Audio
Telechargiar episoda
#36 L’energia da muntgs ed in battibugl d'istorgias
Durada 41 minutas
, dals 23.03.2023
Elias ha puspè intginas anecdotas da ses viadis a la lavur, Marcus na sa betg co crititgar auters musicists ed ensemen smirveglian I2DN da la ferma voluntad da muntgs budistics. Cun quella pazienza vivessan er els en dapli pasch. Entrai er vus en noss mund betg paschaivel ma animà.
Zum Audio
Telechargiar episoda
#35 Marilyn Ma(n)son ed auters mitus
Durada 49 minutas 19 Secundas
, dals 16.03.2023
Tge che Marilyn Manson ha fatg tenor in mitus da plazza da scola savain nus pli probabel tuttas e tuts. Me tge mitus locals hai dà sin las plazzas da scolas rumantschas? E tgi paja sch'ins rumpa ina buttiglia vin tar il detaglist. ILS DUS DA NUS han dumondas e respostas per il pievel.
Zum Audio
Telechargiar episoda
#34 Smanatschas sin la plazza da scola
Durada 46 minutas 3 Secundas
, dals 09.03.2023
Mintgina u mintgin enconuscha la situaziun. Sin la plazza da scola datti persunas che pon esser ina smanatscha. Tut tenor pon ins vegnir en il focus da quellas. Ina situaziun dischagreabla che Marcus sco er Elias han gia gì. Er in tema: giats ch'èn svanids ed enguladitschs – i dat pia da discutar.
Zum Audio
Telechargiar episoda
#33 Fimar sin il balcun en mantè da bogn
Durada 42 minutas 50 Secundas
, dals 02.03.2023
Sche Marcus ha la pussaivladad da pernottar en in hotel pli char, lura èsi cler: I vegn duvrà tut. Duvrà tut vegni era tar la seria «Physical 100», sco ch'Elias declera. Da las prestaziuns en la show po el be siemiar. Mettai pia si ils uregliers e laschai accumpagnar ID2N a Vus en Voss siemis.
Zum Audio
Telechargiar episoda
#32 Preferenzas sexualas e giugarets da vaglia
Durada 47 minutas 37 Secundas
, dals 23.02.2023
Il comeback da l'onn, di Marcus – ura e temp, di il pievel. Gist duas rubricas sa chattan en lepisoda actuala. Las preferenzas persunalas ed il dicziunari. Sco sche quai na fiss betg avunda datti er anc istorgias davart l'orientaziun sexuala e presumziuns davart vitgs cun potenzial da conflict.
Zum Audio
Telechargiar episoda
#31 In siemi picant
Durada 41 minutas 34 Secundas
, dals 16.02.2023
Tge far sch'ins ha in siemi picant d'ina persuna enconuschenta? Confruntar la persuna u betg? Pertge datti dispita tranter vitgs rumantschs? Tge far sch'ina mamma dat in schleppun a ses uffant? E quants fegls dal palpiri da tualetta duvrar? Puspè fan ILS DUS DA NUS las dumondas impurtantas.
Zum Audio
Telechargiar episoda
#30 Apollo 11
Durada 54 minutas 14 Secundas
, dals 08.12.2022
L'episoda finala è registrada. Cun ina buna purziun gnervusitad ed energia han Marcus ed Elias in'ultima giada per quest'onn fatg quai ch'i san far il meglier (ubain il mender). Liai las tschintas, mettai il sez dretg si. Apollo 11 è partì, la finamira è la glina. Grazia fitg, char pievel ?
Zum Audio
Telechargiar episoda
#29 Fatgs fundads, figuras e fatschas
Durada 39 minutas 46 Secundas
, dals 01.12.2022
En ina nova rubrica van I2DN suenter ad in'istorgia exclusiva e fundada. I vegn plinavant tematisada ina chaussa ch'ils dus «secondo-rumantschs» n'enconuschan atgnamain betg: Il militar svizzer. Ed er quest'emna datti cun la revoluziun en l'Iran in discurs pli serius.
Zum Audio
Telechargiar episoda
#28 «Nonsense» ed aria chauda
Durada 44 minutas 8 Secundas
, dals 24.11.2022
Il di è arrivà: Era ILS DUS DA NUS èn vegnids observads criticamain dal cussegl dal public. Il resultat è videzza, stancladad e chapientscha maschadada. Para che intgin taidla tuttina quest podcast, era sch'ils motivs èn obligatorics. Bunas novas dimena.
Zum Audio
Telechargiar episoda
#27 Il podcast il pli dad aut
Durada 40 minutas 42 Secundas
, dals 17.11.2022
Tge ha Elias emprais dal grond retoricher e filosof da televisiun Dr. Richard David Precht? Tge vul Marcus preservar per civilisaziuns dal futur? Pertge ha Elias flatgs dubius sin il tranterchommas e pertge fa Marcus gugent midada? Tgi interessa quai insumma? Buna dumonda!
Zum Audio
Telechargiar episoda
#26 Paun cun posta A
Durada 42 minutas 3 Secundas
, dals 10.11.2022
Recensiuns sin Google, films da horror en il kino, pauns per posta, il success da Taylor «Jetset» Swift, munaida stgiffusa e las novas veglias lingias grassas da Katar: Tscherni in tema e sfundrai en l'episoda 26. Tut po, nagut sto, u betg?
Zum Audio
Telechargiar episoda
#25 Pokèmon e (pseudo)promis
Durada 46 minutas 59 Secundas
, dals 03.11.2022
Avais vus gia fatg ponderaziuns tge objects che tunan sco in Pokèmon? I dat dapli che pensà, sco retschertgas (e fantasias) dad I2DN mussan. E sco adina datti sin il viadi er puspè numerusas «side quests», chargiai dimena voss telefonins ed uregliers da bluetooth.
Zum Audio
Telechargiar episoda
#24 ILS DUS DA NUS en 100 onns
Durada 48 minutas 12 Secundas
, dals 27.10.2022
Avais vus gia ina giada fatg naufragi en ina citad senza ina pussaivladad da pernottaziun? Marcus ha ina soluziun per vus. Soluziuns, u plitost ideas utopicas èn er in tema tar la dumonda «Grischun en 100 onns». E natiralmain datti anc in pau aria chauda encunter Bono e la festa d'october.
Zum Audio
Telechargiar episoda
#23 Evoluziun e betg revoluziun
Durada 45 minutas 6 Secundas
, dals 20.10.2022
Cun tips e cumpliments da Dr. Sommer aka IN TEAM INTIM turnan ILS DUS DA NUS, il «meglier podcast» da RTR, sin il palc auditiv. Ensemen tutgan Marcus ed Elias puspè il puls da quels temas che quintan. «Get in loser, we're going listening» schessan ils Mean Girls.
Zum Audio
Telechargiar episoda
#22 Tornados, urticlas e monsters sut il letg
Durada 56 minutas 45 Secundas
, dals 22.09.2022
ILS DUS DA NUS han empermess bler per l'episoda 22 – ed han era furnì bler. Discussiuns davart temas irraziunalas, proverbis ladins sco era tematicas actualas sco «vabbing» e la participaziun dad Elias tar «Fight 4 Flags» han gì lieu en l'ultima episoda extra-lunga avant la pausa.
Zum Audio
Telechargiar episoda
#21 Enavos en scola senza stgarnuz da surpraisas
Durada 43 minutas 5 Secundas
, dals 15.09.2022
Finalmain dastga Marcus cumenzar sia scolaziun sco magister da primara. E finalmain datti dad Elias puspè odi encunter surfar – sco giavischà dal pievel. En pli vegn discutada la detta da Charles III ed il num da quel lieu nua che trends arrivan sco ultim. In mix saun sco la «Poke Bowl» cun avocado.
Zum Audio
Telechargiar episoda
#20 Tinderdate tar il coiffeur oriental
Durada 38 minutas 26 Secundas
, dals 08.09.2022
Reunids en la chasa RTR datti per ILS DUS DA NUS ina massa da discutar. Experientschas bellas sco ir tar il coiffeur d'umens, però era novs stils da moda: Il uschenumnà «Ugly Dad Style». As laschai purtar en quest mund auditiv, Marcus ed Elias as beneventan cordialmain.
Zum Audio
Telechargiar episoda
#19 Tar il tgil sto er esser l'autra sortida
Durada 43 minutas 53 Secundas
, dals 01.09.2022
Co vesan or chautschas d'in centaur? Tge fa vegnir las tomatas en Grezia uschè bunas e daco datti anc tatgaders da Panini? Per surmuntar ils ultims dis da vacanzas filosofeschan ILS DUS DA NUS davart ils gronds misteris da la vita e sa regordan da las pli bellas u nauschas festas d'anniversari.
Zum Audio
Telechargiar episoda
#18 Christo, tira ora tes chalzer!
Durada 43 minutas 35 Secundas
, dals 25.08.2022
Quest'emna datti ina colliaziun directa en Grezia, nua che Elias giauda sias vacanzas ed observa ses cumpatriots. Marcus tegna entant la posiziun a Cuira ed ha novas da la butia. Ensemen analiseschan ILS DUS DA NUS novs svilups en l'internet e vegnan perina che la fin vai adina per pornos.
Zum Audio
Telechargiar episoda
#17 Jau sun l'internet
Durada 41 minutas 20 Secundas
, dals 18.08.2022
I dat chaussas, quellas chattan Marcus ed Elias simplamain sproporziunà stgiffusas. Quai pon esser manieras u disas dal mintgadi sco era funcziuns corporalas che fan snuir – u en il mender cas perder la schientscha. Tadlai l'episoda 17 per pudair participar a la discussiun.
