In da Sent ed in da Ramosch fa dus da team «Sentosch». Luca Nogler, scolast da gimnastica e Marino Scandella, dissegnader da construcziun auta én vegnids per restar, u per gudagnar. Quasi cun avantag da chasa e cun statura, che fa anguscha fruntan els en la sala da gimnastica a Glion sin il team bunamain imbattibel da RTR. Dentant, tuttina quant ladas che las spatlas, la fin po be ina squadra gudagnar!
Stafla 2 – I vegn pli dir per Team RTR
Battas ti RTR?!
Tuttina tge vegliadetgna, gender, talent u idiom – nus tschertgain vus! Per la nova stafla «Battas RTR?!» tschertgain nus equipas da duas persunas, che san battar il team RTR (Marcus Petendi ed Elias Tsoutsaios) en trais gieus ed uschia gudagnar enfin 400.- francs cash!
Collega e colleg, frar e sora, cusrina e cusrin, mumma e figl, figlia e bap, scheffa ed emploià u marusa e marus – la cumbinaziun n'importa betg, be la motivaziun!
Avais vus temp d'atun ed avais il talent per batter RTR? Sche lura s'annunziai giusut per partecipar!
L'emprima stafla entira ed entratga!
Tgi èn Marcus ed Elias?
Els lavuran sco redacturs e moderatur tar RTR, èn dentant oravant tut era enconuschents sco vuschs dal podcast «Ils Dus Da Nus». Sasez vesan els sco imbattibels, l'istorgia mussa dentant in auter maletg.
