Per l’emprima giada datti in’episoda d’uffants. Ils fragliuns Tenner da Mustér, quai èn Patricia (12) e Travis (10) èn dus chaus pli pitschens che Marcus ed Elias, ma sco ch'i para duas giadas pli motivads per la victoria. Patricia è gimnasta passiunada e Travis ha in 6 en matematica. Per batter Team RTR segir dapli ch'avunda, u betg? Il num «Team Megliers» empermetta almain tant.
Stafla 2 – I vegn pli dir per Team RTR
Battas ti RTR?!
Tuttina tge vegliadetgna, gender, talent u idiom – nus tschertgain vus! Per la nova stafla «Battas RTR?!» tschertgain nus equipas da duas persunas, che san batter il team RTR (Marcus Petendi ed Elias Tsoutsaios) en trais gieus ed uschia gudagnar enfin 400.- francs cash!
Collega e colleg, frar e sora, cusrina e cusrin, mamma e figl, figlia e bab, scheffa ed emploià u marusa e marus – la cumbinaziun n'importa betg, be la motivaziun!
Avais vus temp d'atun ed avais il talent per batter RTR? Sche lura s'annunziai giusut per participar!
L'emprima stafla entira ed entratga!
Tgi èn Marcus ed Elias?
Els lavuran sco redacturs e moderatur tar RTR, èn dentant oravant tut era enconuschents sco vuschs dal podcast «Ils Dus Da Nus». Sasez vesan els sco imbattibels, l'istorgia mussa dentant in auter maletg.
