Il november ed il schaner beneventa la Lia Rumantscha Vus a Cafés rumantschs a Scuol, Vella e Casti cun Marietta Cathomas, linguista RTR e Ladina Schena, moderatura RTR. En il center stat RTR ed il rumantsch ed en in’emprima part era la dumonda, pertge che RTR dovra ina linguista.
Tematisads vegnan la creaziun da pleds, il svilup da la lingua, novas tendenzas en il rumantsch e co che RTR tracta quellas. Ellas sa legran da discurrer cun Vus da nossa lingua e co che RTR s’engascha per ella.