La fin da l’onn tschertgain nus la regina u il retg dal «Kikeri6». Or da tut las persunas ch'han gudagnà durant l'onn 2025 in jackpot èn tschintg persunas sa qualifitgadas per il final. L'emna avant Nadal, pia dals 15 fin ils 19 da december, ha giugà mintga di in'autra persuna qualifitgada il gieu captivant. Giugà è vegnì tenor las reglas enconuschentas, dentant cun dumondas che pertutgan l'entir onn e betg be temas actuals.
Rolf Allenspach ha cuntanschì durant quels tschintg dis il dumber il pli aut da respostas correctas e daventa uschia il prim «Kikeri king». En cas d'in pari da puncts da duas u da pliras persunas, avess la sort decidì tgi che gudogna. L'avantatg da Rolf Allenspach è però stà cler – cordiala gratulaziun.
🎖️Ils giugaders ch’èn sa qualifitgads per il final
-
Bild 1 von 5. Rolf Allenspach dad Adliswil aveva gudagnà il jackpot ils 17 da matg 2025. Bildquelle: Rolf Allenspach.
-
Bild 2 von 5. Vendelin Cabernard da Glion ha gudagnà il jackpot ils 11 da settember 2025. Bildquelle: Vendelin Cabernard.
-
Bild 3 von 5. Daniel Bearth da Berna aveva gudagnà il jackpot ils 27 da mars 2025. Bildquelle: Daniel Bearth.
-
Bild 4 von 5. Mario Dietrich da Panaduz aveva gudagnà il jackpot dal Kikeri6 ils 22 da matg 2025. Bildquelle: Mario Dietrich.
-
Bild 5 von 5. Otto Heini da Siat aveva gudagnà il jackpot ils 20 da schaner 2025. Bildquelle: Otto Heini.
I va per in bun intent
Questa giada na vai dentant betg per bons per ins sez, mabain po mintga finalist decider a tge instituziun u organisaziun ch'el vul donar ils bons, ch'als dovra per in bun intent. Dal rest: Ils bons dal victur dal final, pia il «Kikeri king», vegnan dublegiads.
Durant quest'emna, ha era la Chadaina da Fortuna rimnà cun sustegn da la SRG SSR daners per uffants en crisas. Grazia per Vossas donaziuns!
Ed i va era per la curuna
Sper la bun'ovra e l'onur, porta il victur il titel e la curuna dal «Kikeri king» per in onn. El survegn in bel buccal e sa chapescha survegn il retg supplementarmain in bel pachet da surpraisa 🎁 da RTR.