Il gieu da la damaun - 🐓 Kikeri6

📞 Co sa participar? 

Fitg simpel – telefonai da glindesdi fin venderdi a las 07:37 al numer gratuit 0800 20 25 30.  

🎯 Uschia funcziuna il gieu 

Vus avais 60 secundas per respunder a pretensiuns cun «gea» u «na». 

Il dumber da pretensiuns crescha mintga di:

Sche Vus respundais correctamain almain al dumber minimal da pretensiuns, gudagnais Vus per mintga resposta correcta in bon dal Volg (valur da CHF 10.–) ed avais la pussaivladad da giugar vinavant er il proxim di. Pia: dumagnar l’emprim di – e sis bons èn gia garantids. 

Gust da tadlar in exempel? 

Empruvar u trenar online?  

💥Sch’i na tanscha betg  
Sche Vus avais damain respostas correctas che pretendì, van mintgamai sis bons en il jackpot. Vus na pudais betg pli giugar il proxim di – ma gugent puspè in’autra giada. 

🏆Jackpot 
Il jackpot gudogna la persuna che respunda correctamain il dumber da pretensiuns minimal e quai quatter dis en roda. 

Impurtant: Persunas che gudognan il jackpot, na pon durant sis mais betg pli prender part al «Kikeri6» – grazia per Vossa fairness, uschia han er autras persunas la schanza d’esser da la partida. 

🐣 Kikeri kids 

Il quiz per la generaziun giuvna 

👑 Kikeri queen/king 

Tgi è la meglra dals megliers? 
Il grond final – la fin da l’onn tschertgain nus la regina u il retg dal «Kikeri6». 

🎯 Uschia funcziuna il final

• Da las persunas che han gudagnà in jackpot durant l'onn pon maximalmain tschintg sa participar a la runda finala e giugar per in bun intent. Data da tagl è mintgamai ils 30-11. Sch'igl ha quel mument dapli che tschintg finalistas e finalists, vegni tratg la sort tgenins che pon esser da la partida al final.
• L'emna avant Nadal, da glindesdi fin venderdi, gioga mintga di in'autra persuna ch'è sa qualifitgada in «Kikeri 6» – tenor las reglas enconuschentas, dentant cun dumondas che pertutgan l'entir onn enstagl mo l'actualitad.
• Las respostas correctas da mintga gieu singul vegnan quintadas ensemen ed ils bons van a favur dad in'instituziun u organisaziun ch'als dovra per in bun intent. La persuna che gioga decida tgi che duai mintgamai survegnir ils bons.
• La participanta u il participant che cuntanscha durant quels tschintg dis il dumber il pli aut da respostas correctas daventa «Kikeri queen» u «Kikeri king». En cas d'in pari da puncts da duas u da pliras persunas decida la sort tgi che gudogna.
• La summa da bons che la «Kikeri queen» u il «Kikeri king» ha gudagnà cun giugar vegn dublegiada. Ils bons van a favur dad in’instituziun u organisaziun ch’als dovra per in bun intent. La persuna che ha gudagnà decida tgi che survegn ils bons. Sper la bun'ovra e l'onur da purtar il titel e la curuna per in onn survegn la regina u il retg supplementarmain in bel pachet da surpraisa 🎁 da RTR.

🎖️ Giugadras e giugaders ch’èn gia sa qualifitgads per il final dal 2025 

🎙️Kikeri6 spezial – in gieu ed in giast 

Ina giada per mais datti in «Kikeri6 spezial»: nus envidain in giast, per exempel dad in’uniun, dad in’organisaziun, d’in club u dad in’instituziun. 
Mintga emprima mesemna dal mais scroda pia il gieu convenziunal – la tensiun na va però betg a perder. Quantas🧠 pretensiuns vegn il giast a respunder en 60 secundas? Il gudogn va a favur da la gruppa u da l’organisaziun correspundenta.  

❓ Gust sin dapli quiz e gieus? 

• «Tge chaussas» 
• «Grazia fitg!»