Legenda:
«Grazia fitg!» In engraziament che commova. In mument che resta.
RTR
cuntegn
Voss engraziament - 🙏 «Grazia fitg!»
Mintga venderdi a las 10:15 regalain nus da Radio RTR in mument spezial ad ina persuna. Vulais Vus per exempel dir «Grazia fitg!» a Vossa tatta per ils megliers capuns, a Vossa biadia per avair gidà en chasa u simplamain dir grazia ad ina persuna, ch'ha gidà cun insatge u è qua per Vus?
Tut Voss engraziaments èn bainvegnids, vegnan registrads ordavant en furma d’in messadi audio e transmess live al radio – mintga venderdi in.
🌸 Co funcziuna quai?
Emplenir il formular: Schai a nus a tgi che Vus vulais engraziar e pertge che Vus vulais engraziar a quella persuna.
Registrar il messadi audio: Nus As gidain gugent vinavant ed As contactain per registrar communablamain Voss messadi.
Venderdi è il di da surpraisa: La persuna vegn contactada live al radio, auda Voss messadi e vegn franc ad avair grond plaschair – natiralmain era dal matg da flurs che RTR lascha furnir a la persuna en Voss num.
💌 Pertge sa participar?
Perquai che pitschens gests pon far grond effect.
Perquai che engraziar fa bain a nus tuttas e tuts.
Perquai che Vus pudais procurar per in mument prezius ed in di spezial – per la persuna pertutgada, però era per nossas audituras e noss auditurs – gests cordials fan adina bain.
La participaziun al gieu è averta per tut las persunas. Betg participar pon las collavuraturas ed ils collavuraturs (e lur confamigliars) da laSRGSSR, siassocietads affiliadas sco era partenaris e/u incumbensaders ch’èn eventualmain involvids. En cas da dumondas d’interpretaziun decida RTR definitivamain.
Davart la concurrenza/ il gieu na vegn betg manada ina correspundenza.
Premis/ gudogns: in pajament en daner contantn’è betg pussaivel.
La via giuridica è exclusa.
Il num ed il lieu da domicil dal victur u da la victura pon vegnir publitgads sin l’emettur e/u sin la pagina d’internetda RTR (inclusiv agens chanals da social media). Cun participar vala participanta/ il participant d’accord che las datas communitgadas da sia vart vegnan duvradas per trametter ils premis.
Nossa decleraziun davart la protecziun da datas chattais Vus sin www.rtr.ch/dretgs.
