Siglir tar il cuntegn

Header

audio
Pixabay
laschar ir. Durada: 8 minutas 6 Secundas.
cuntegn

Agid digital per il bambin secret

Per evitar stress e mantegnair la buna luna avant Nadal fai senn da cumenzar a preparar baud. In gieu popular da far regals è il bambin secret (Wichteln). Quel funcziuna uschia che mintga persuna en ina famiglia u gruppa dat in regal ad in'autra persuna.

Tar ina famiglia da tschintg persunas che fa il bambin secret, datti pia be tschintg regals sut il pignol da Nadal – e betg in'entira massa. La tensiun s'augmenta anc pli fitg, cunquai ch'ins na sa betg da tgi ch'ins survegn in regal ed a tgi ch'ils auters confamigliars han da regalar.

Per preparar tgi che regala a tgi ston ins trair la sort, quai po dentant esser cumplitgà sch'i n'è betg pussaivel d'esser il medem temp en il medem lieu. Per quai datti agid digital.

Agid d'ina pagina web

I dat d'ina vart pliras apps che gidan sco per exempel las apps «Wichteln» u «Secret Santa». Tar quellas datti dentant bler reclamas ed ins sto sa registrar. In'alternativa e la pagina www.drawnames.de. Quella po vegnir duvrada da maniera anonima e gratuita. Il sulet ch'i dovra è ina adressa da mail da mintga persuna che sa participescha.

Sin la pagina pon ins far ina gruppa cun tut ils nums da las persunas ch'èn da la partida. Suenter pon ins definir la data da la festa ed il limit da la valur dal regal. La pagina generescha in link ch'ins po trametter als confamigliars u collegas e quels survegnan lura tut las infurmaziuns per far in regal ed avair in Nadal senza stress.

I dat schizunt la pussaivladad da far glistas cun giavischs ed ins po era contactar anonimamain la persuna a la quala ch'ins dastga far il regal. La surpraisa è però pli gronda senza glistas da giavischs e pussaivladad da dumandar tge che la persuna vess gugent.

Dapli da «Il Digitip - il tip digital»

Scrollar a sanestra Scrollar a dretga