Questa app ha num BrickIt. Ella generescha plans tge ch'ins po tut bajegiar cun legos, sper quai chè dà avant en ils plans. Pia sch'ins ha per exempel ina chista cun Legos vegls, datti novas ideas.
Co funcziuna quella app?
Sco emprim pass rasan ins ora ils legos giun plaun. Lura avran ins la app BrickIt. Uss èsi be pli da far ina fotografia cun ils legos e la app metta ensemen ina schelta da figurinas ch'ins sa bajegiar cun ils legos ch'èn avant maun.
La app è gratuita cun fin a 100 legos. I dat dentant ina versiun Pro nua ch'ins survegn ideas per fin a 1'600 legos.
