1. Esser sceptic tar offertas memia bunas
Sch'ina offerta para memia buna per esser vaira ston ins far attenziun. In'idea fiss er da congualar il pretsch cun auters shops online. Sch'in telefon custa per exempel dapertut var 500 francs, ma en in shop be 100 francs, lura è probablamain insatge curius cun quest shop.
2. Controllar il shop
In segund tip fiss da betg be guardar sin il product ma sin tut la pagina d'internet. Ha quella per exempel in impressum cun in'adressa plausibla e cun in dumber da telefon ed in'adressa dad e-mail, forsa datti er in dumber en il register da commerzi ch'ins po verifitgar? Sche tut quai manca è quai in senn che la pagina n'è betg seriusa.
3. Far retschertgas
Ins po er tschertgar valitaziuns dad in pagina d'internet. Quellas pon gidar, ma ins sto er far attenziun. valitaziuns pon ins manipular. Per quai là guardar: sch'i na dat naginas valitaziuns u be fitg paucas ston ins far attenziun. Ed ins sto er guardar sch'i dat differentas valitaziuns, sch'i dat per exempel be paucas valitaziun ch'èn tuttas extrem positivas è quai in segn da dar adatg.
4. Far attenziun cun la moda da pajar
En general er là guardar tge opziuns ch'i dat. Sche pussaivel fai senn da betg pajar oravant, pia il meglier empustar cun quint, quai è il pli segir. Da far attenziun èsi surtut cun la carta da credit, sche las datas da quella vegnan enguladas pudess il donn esser pli grond.
5. Decider quant ch'i vala la paina da ristgar per in bun deal
E la finala èsi da decider per sasez tge ristgs ch'ins è pront d'acceptar per spargnar, il pli pauc spargnins dentant sc'hins è qua senza daners e senza rauba. Forsa poi far senn da pajar in pau dapli tar in butia online ch'è pli segira e pli fidada.
