Siglir tar il cuntegn

Header

audio
Pixabay
laschar ir. Durada: 3 minutas 9 Secundas.
cuntegn

Cumprar laptop d'occasiun: Tge èsi da resguardar?

Tgi che cumpra in laptop duvrà spargna daners e schanegia lambient – la producziun da novs apparats electronics dovra bleras resursas ed energia. Ma cuntrari ad in apparat nov nèsi tar las occasiuns betg segir sche propi tut funcziuna.

Sin la vart plitost segira èn ins sch'ins cumpra da vendiders e fatschentas ch'èn spezialisads a la vendita d'apparats electronics duvrads e reparads: ils laptops vegnan là controllads en detagla avant la vendita e vendids cun garanzia.

Ultra da quai è per regla installà il pli nov sistem operativ e garantì che l'apparat n'è betg pli lià a la possessura precedenta – per exempel cun l'Apple-ID.

Tgi che cumpra in apparat d'occasiun da persunas privatas sto star attent per ch'i na dettia nagina cumpra. Blers defects èn identifitgabels be al lieu.

Quels puncts èn da resguardar:

  • Controllar sche tastatura e visur funcziunan. Er il scharnier dal visur vala in'egliada.
  • Betg tut è vesibel be cun in cuc: Er controllar sche tut ils attatgs e colliaziuns funcziunan anc. Quai pon esser USB, attagt da la rait, Wlan, bluetooth ed oravant tut er il connectur da chargiar.
  • Er ils megliers accus perdan suenter in pèr onns bler da lur prestaziun. Remplazzar quels po vegnir char u n'è insumma betg pussaivel.
  • Windows sco er MacOS han la pussaivladad da laschar mussar il status da la battaria. Tar il Mac tegnair smatgà la tasta da selecziun ? e cliccar sin l'icona da battarias en la trav da menu. Il proceder en connex cun Windows vegn descrit qua.
  • Tgi che vul pli gugent controllar sez il status da l'accu po laschar ir il medem mument plirs videos sin il laptop e transmetter medemamain datas via Wlan u bluetooth. Sche la battaria chargiada è suenter 15 minutas anc adina emplenida per almain 75% duess l'accu esser en stan pli u main bun. 

Dapli da «Il Digitip - il tip digital»

Scrollar a sanestra Scrollar a dretga