Siglir tar il cuntegn

Header

audio
Cun l’app swisstopo pon ins recognoscar lieus fitg isolads da la Svizra.
Keystone
laschar ir. Durada: 6 minutas 19 Secundas.
cuntegn

Entira Svizra en detagl cun la nova «swisstopo-app»

L'atun è sco fatg per far turas. Cartas da palpiri tutgan al passà e na dovri ozendi strusch pli. La dretga app sin il telefonin tanscha. Per exempel la nova applicaziun «swisstopo» che remplazza «Swiss Map Mobile». Ella è vegnida sviluppada da lUffizi federal da topografia (numnà Swisstopo).

Precis e multifar
La swisstopo-app mussa tut las cartas topograficas naziunalas en la proporziun 1:10 000 fin 1:1 milliun, fotografias or da l'aria, cartas per l'aviatica e cartas istoricas da l'entira Svizra. Ella è vegnida cumplettada cun bleras infurmaziuns supplementaras tar temas sco traffic public, viandar, ir cun velo, sport da naiv ed aviatica. Sper las rutas uffizialas da viandar cuntegna ella era tut las rutas da viandar da «SchweizMobil».

Chapibel e survesaivel
L'applicaziun è fitg simpla, ins po planisar ma era registrar turas. Cun l'app ves'ins immediat nua ch'ins sa chatta e quai cun coordinatas ed indicaziun d'autezza.

Questa app è gratuita ed ins po telechargiar ella dal App Store u Google Play. Ins po schizunt duvrar ina surfatscha da 100 km2 en modus offline. Schins vul dentant tuttas cartas offline lura pon ins cumprar in abunament da per 38 francs.

Dapli da «Il Digitip - il tip digital»

Scrollar a sanestra Scrollar a dretga