In QR-code è in pitschen maletg quadrat emplenì cun ulteriurs pitschens quadrins. Sch'ins avra l'app da fotografar sin il telefonin, lura legia la camera quest code e maina vinavant cun in sulet clic sin ina pagina dinternet, sin in'app u collia er cun il WLAN. Svelt, schuber, senza perdita da temp e fitg cumadaivel.
Crear da quels codes da QR pon ins fitg simpel e gratuit en l'internet – saja quai per la colliaziun da WLAN u per manar sin paginas d'internet. Il code generà pon ins chargiar giu sco maletg per parter cun ils amis u per squitschar e pender si en in lieu util. Er sch'ils purschiders sincereschan ch'il pled clav na va betg en l'internet e resta be sin l'agen computer – in tschert ristg resta uschè svelt ch'ins endattescha in pled clav sin ina pagina d'internet accessibla per ina e scadin.
Code per WLAN
Sin qifi.org pon ins far trais pitschens pass per generar il code.
* emprim dar en num dal WLAN (SSID)
* lura la codaziun (recumandaziun WPA/WPA2/WPA3, tenor router)
* e silsuenter anc il pled clav (Key)
* sco davos cliccar sin «generar»
Crear da quels codes da QR pon ins fitg simpel e gratuit en l'internet – saja quai per la colliaziun da WLAN u per manar sin paginas d'internet. Il code generà pon ins chargiar giu sco maletg per parter cun ils amis u per squitschar e pender si en in lieu util. Er sch'ils purschiders sincereschan ch'il pled clav na va betg en l'internet e resta be sin l'agen computer – in tschert ristg resta uschè svelt ch'ins endattescha in pled clav sin ina pagina d'internet accessibla per ina e scadin.
Code per WLAN
Sin qifi.org pon ins far trais pitschens pass per generar il code.
* emprim dar en num dal WLAN (SSID)
* lura la codaziun (recumandaziun WPA/WPA2/WPA3, tenor router)
* e silsuenter anc il pled clav (Key)
* sco davos cliccar sin «generar»
