Ils trends da «Google Year in Search 2022» na definescha il gigant d'internet betg sco quai che vegn tschertgà il pli savens, mabain sco quels temas ch'han tuttenina registrà in grond augment da dumondas. Pia betg ina survista mo quantitativa, mabain era cumpareglià cun las cifras da l'onn passà. Pia vala: Pli nov e pli intensiv che la tschertga è, e pli ad aut en la tabella ch'il tema cumpara.
Ils temas
- WM 2022 (en CH 2.)
- Ukraine (en CH 1.)
- Australian Open (en CH 5.)
- Putin (en CH -)
- Olympia 2022 (en CH 8.)
- Wordle (en CH 3.)
- Djokovic (en CH 4.)
- Nations League (en CH 6.)
- Nato (en CH -)
- Queen Elizabeth (en CH 9.)
Cler la guerra en l'Ucraina
Tar il tema da la guerra en l'Ucraina èsi interessant che Grischunas e Grischuns han para tschertgà pli lunsch che la media en Svizra. Qua ha il Grischun era tschertgà dapli infurmaziuns davart Wladimir Putin e la Nato. Persuenter ha la Svizra en media era anc tschertgà Jeffrey Dahmer (Docuficziun sin Netflix) e Johnny Depp cun sia guerra da las rosas cun sia anteriura dunna.
Il sport mobilisescha dumondas
Tradiziunalmain cumparan qua sa chapescha eveniments gronds da sport sco qua il campiunadi da ballape ed ils gieus olimpics – ubain era la Nations League. Il tennis cun l'Australian Open e Novak Djokovic cumpara però perquai ch'el n'ha da lezzas uras betg pudì ir en l'Australia, perquai ch'el n'aveva nagin certificat da Covid.
Mellen e gieu
E tar ils temas pli mellens ubain era auters da distracziun, n'è il Grischun para betg uschè ludic. Il gieu «Wordle» è pir sin plaz 6 en il Grischun e la Queen n'è betg stada uschè tschertgada sin plaz 10.
