Cler e sustegnì da blers experts è ch'i custa energia dad esser hofli cun la maschina. Per il pli vegn ina dumonda u in prompt pli lung, sch'ins vul communicar hofli. E sche milliardas da dumondas èn pli lungas che necessari, lura èsi era cler ch'i sa tracta d'in tschert quantum d'energia. Ins na po bain betg dir en cifras diras, quant che quai fa ora. Però partan blers dal fatg ch'ina dumonda tar in'intelligenza artifiziala (IA) custa 5-10 giadas dapli ch'ina simpla tschertga tar Google.
Da l'autra vart èsi bun per nus sezs da communicar hofli e cun respect, per trenar nossas abilitads socialas. Nus essan uschia era pli conscients e pudain privar d'evitar musters negativs ed automatisar communicaziun cun respect per il vis-à-vis. E tuttina na dastg'ins betg emblidar: La maschina è fitg buna cun imitar in carstgaun e furnescha respostas che tunan bain. Però èsi ina maschina che generescha in text sin basa da probabladads ed in archiv cun enorm bleras datas. E sch'i va per fatgs ch'ins sto esser segir ch'i constattan, lura èsi tuttina da necessari da controllar els.
Per render nossas dumondas e noss prompts pli effizients ed effectivs poi gidar da procurar ch'il suandant saja cler en nos prompt:
• incumbensa clera, tge ch'igl è da far
• context da l'incumbensa e da la dumonda
• sch'igl è pussaivel declerar ubain agiuntar in exempel
• definir la rolla, cun la quala maschina sto s'identifitgar
• sche necessari definir il format dal resultat giavischà (tabella, grafica)
• sch'ins vul pon ins era definir in stil da la resposta (amicabel, professiunal, etc.
Betg d'evitar èsi probablamain da far la dumonda, spetgar il resultat, e suenter far ulteriuras dumondas. Pia da raffinar il resultat. Qua pon ins reducir ils prompts necessaris cun duvrar ina lingua precisa ed accurata. E tut tenor, tge maschina ch'ins dovra, reagescha ella in zic auter sin tscherts pleds. Qua na resta nagut auter che testar.
Da l'autra vart èsi bun per nus sezs da communicar hofli e cun respect, per trenar nossas abilitads socialas. Nus essan uschia era pli conscients e pudain privar d'evitar musters negativs ed automatisar communicaziun cun respect per il vis-à-vis. E tuttina na dastg'ins betg emblidar: La maschina è fitg buna cun imitar in carstgaun e furnescha respostas che tunan bain. Però èsi ina maschina che generescha in text sin basa da probabladads ed in archiv cun enorm bleras datas. E sch'i va per fatgs ch'ins sto esser segir ch'i constattan, lura èsi tuttina da necessari da controllar els.
Per render nossas dumondas e noss prompts pli effizients ed effectivs poi gidar da procurar ch'il suandant saja cler en nos prompt:
• incumbensa clera, tge ch'igl è da far
• context da l'incumbensa e da la dumonda
• sch'igl è pussaivel declerar ubain agiuntar in exempel
• definir la rolla, cun la quala maschina sto s'identifitgar
• sche necessari definir il format dal resultat giavischà (tabella, grafica)
• sch'ins vul pon ins era definir in stil da la resposta (amicabel, professiunal, etc.
Betg d'evitar èsi probablamain da far la dumonda, spetgar il resultat, e suenter far ulteriuras dumondas. Pia da raffinar il resultat. Qua pon ins reducir ils prompts necessaris cun duvrar ina lingua precisa ed accurata. E tut tenor, tge maschina ch'ins dovra, reagescha ella in zic auter sin tscherts pleds. Qua na resta nagut auter che testar.
