Var 700 denunzias datti mintg'onn en Svizra perviu da fraud online en connex cun relaziuns emoziunalas u schizunt d'amur. Experts per la prevenziun criminala partan però dal fatg ch'il dumber effectiv da tals cas è fin 20 giadas uschè aut. Bleras persunas sa turpegian però sch'ellas en daventadas unfrenda d'in fraud d'amur e na gughegian perquai er betg da far public respectivamain da denunziar il cas.
Per sa proteger en general pon ins resguardar intgins princips da basa:
· Mai trametter daners be sin basa d'in contact onliine.
· Sveltas decleraziuns d'amur duain esser in segn d'avertiment.
· Sch'i vegnan pretensiuns da daners, lura interrumper immediatamain il contact.
· Discurrer cun collegas e famiglia sch'ins ha dubis. Savens vesan persunas d'ordaifer pli cler l'entira situaziun.
En ina contribuziun dad SRF Kassensturz dal matg passà, èn vegnids preschentads quatter tools dad intelligenza artifiziala, gratuits, cun ils quals ins po analisar maletgs u videos e dir sch’els èn manipulads u betg.
· Tschertgar enavos ils maletgs cun Google u Tin Eye: cun quai chattan ins ora sche las fotografias tramessas èn vegnidas enguladas d’insanua auter.
· Analisa dals Chats: programs sco Chat GPT pon gidar ad identifitgar musters suspectus en messadis.
· Identifitgar deepfakes: utensils sco Sensity AI analiseschan videos e scuvran manipulaziuns.
· Identificaziun da la vusch – cun agid d'amplificaziuns spezialas per il browser pon ins er examinar messadis da lingua sfalsifitgads.
Per sa proteger en general pon ins resguardar intgins princips da basa:
· Mai trametter daners be sin basa d'in contact onliine.
· Sveltas decleraziuns d'amur duain esser in segn d'avertiment.
· Sch'i vegnan pretensiuns da daners, lura interrumper immediatamain il contact.
· Discurrer cun collegas e famiglia sch'ins ha dubis. Savens vesan persunas d'ordaifer pli cler l'entira situaziun.
En ina contribuziun dad SRF Kassensturz dal matg passà, èn vegnids preschentads quatter tools dad intelligenza artifiziala, gratuits, cun ils quals ins po analisar maletgs u videos e dir sch’els èn manipulads u betg.
· Tschertgar enavos ils maletgs cun Google u Tin Eye: cun quai chattan ins ora sche las fotografias tramessas èn vegnidas enguladas d’insanua auter.
· Analisa dals Chats: programs sco Chat GPT pon gidar ad identifitgar musters suspectus en messadis.
· Identifitgar deepfakes: utensils sco Sensity AI analiseschan videos e scuvran manipulaziuns.
· Identificaziun da la vusch – cun agid d'amplificaziuns spezialas per il browser pon ins er examinar messadis da lingua sfalsifitgads.
