Tenor la nova lescha en Svizra na dastgan per exempel manaschis da traffic betg rimnar e vender datas persunalas pli. Ed in labor medicinal na dastgess betg arcunar pli sias datas sin in server en ils Stadis Unids. Era tar rtr.ch è la midada visibla, gia dapi ils 31-08 vegn dumandà tgeninas datas che duain vegnir rimnadas. L'UE enconuscha gia in tal mecanissem da consent.
Uschè pauc sco pussibel, uschè bler sco necessari
Uschia sa lascha il tractament da datas persunalas en la nova lescha resumar. I dat dentant era critica, tenor organisaziuns da protecziun da consuments e consumentas avess la lescha anc stuì esser bler pli stricta.
