Ins survegn in mail da la banca – u meglier ditg: in mail che vesa or, sco sch'el fiss da la banca. En il mail vegn suplitgà da midar il pled clav. Tgi che fa quai, va el la trapla. Persunas criminalas survegnan datas sensiblas– ed uschia er access sin ils daners sin banca.
Uschè mails arrivan pel solit en l'ordinatur da spam. Quel filtrescha mail suspectus. Per regla funcziuna quella funcziun relativ fidaivel. Qua o là arrivan els dentant er tranter tut ils mails normals.
Il servetsch da segirezza «Check Point» ha publitgà avant curt, tge firmas che vegnan il pli savens falsifitgads per far «phishing». Tranter ils top 10 èn tranter auter DHL (23% dals mails), Microsoft (20%), WhatsApp (11%) e Google (10%).
