Ils ultims onns han adina dapli museums da l'entir mund cumenzà a metter a disposiziun online fotografias da fitg buna qualitad da bleras da lur ovras, e quai libramain. I dat museums che fan quai directamain sin lur pagina da web. Ma ir a guardar mintgamai sin la pagina dal singul museum po tut tenor era esser stentus. Perquai datti diversas paginas nua che tut quest art online è radunà en in lieu. Qua in per exempels da paginas:
- Open Art Browser: lubescha da tschertgar tras var 800'000 ovras d'art. Igl è er pussaivel da sortir tranter auter tenor epoca, stil u artist u artista.
- Google Arts and Culture: passa 2'000 museums da tut ils continents preschentan ovras, era cun ina camera da 360°. Vitiers datti sper la pussaivladad da sortir e categorisar, savens infurmaziuns supplementaras sco il context istoric u detagls artistics. La charta cun la survista è er part da la purschida.
- Era RTR ha fatg tranter auter ensemen cun il Museum d'art a Cuira in video da 360°. Quest tura virtuala naschida durant la pandemia, lubescha da visitar il museum senza stuair esser en il bajetg.
