Per che las vias sajan schubras e libras per ils meds publics è stà da far urden suenter il tschaiver da Basilea. Rodund 280 collavuraturas e collavuraturs dal chantun Basilea-Citad han dismess ils confettis ch'ins numna a Basilea era "Räppli", satgets, stgatlas ed auter rument.
Ils davos onns avant la pandemia saja anc stà in zic dapli rument, scriva il chantun. Era l'aura ha in'influenza sin la paisa. Sch'i plova è il rument pli grev. Quest onn dentant, n'hai betg pluvì uschia ch'il rument era pli lev.
