Ramun e Maurin, dus pestgaders passiunads cumbattan sin territori indigen, l'Engiadina Bassa cunter igl Team RTR. En il guaud da Sent, tranter sbratgs matematics e currer senza plan, sa decida tgi che ha il pesch pli grond vi da la pertga. L'art da Marcus n'ha pers qua nagut
Battas Stafla 3 – Uss vegn fatg art
Battas ti RTR?!
Tuttina tge vegliadetgna, gender, talent u idiom – nus tschertgain vus! Per la nova stafla «Battas RTR?!» tschertgain nus equipas da duas persunas, che san batter il team RTR (Marcus Petendi ed Elias Tsoutsaios) en trais gieus ed uschia gudagnar enfin 400.- francs cash!
Collega e colleg, frar e sora, cusrina e cusrin, mamma e figl, figlia e bab, scheffa ed emploià u marusa e marus – la cumbinaziun n'importa betg, be la motivaziun!
Reglas da gieu
Avrir la boxSerrar la box
I cumbatta adina il team RTR (Marcus ed Elias) cunter duas persunas d'in team extern.
I dat minimal 2 e maximal 3 gieus (atletica, inschign e savida).
Per mintga gieu datti in punct.
Il team che cuntanscha sco emprim dus puncts gudogna.
Cun dus puncts datti per il team extern total 200 francs.
Sch'il team extern decida da far in terz gieu («all in») datti tar ina victoria total 400 francs e tar ina sconfitta nagut.
Tar in score da 2:1 per il team extern datti era la schanza «all in».
En quest cas pon ils giasts trair la sort tranter trais bustas. Duas cuntegnan nagut, ina cuntegna 400 francs.
Per il team RTR na datti nagin premi.
Responsabla per successiun, realisaziun e survegliar las reglas è l'arbitra Dalia Poltera.
Stafla 1 – Team RTR dominescha!
Tgi èn Marcus ed Elias?
Els lavuran sco redacturs e moderatur tar RTR, èn dentant oravant tut era enconuschents sco vuschs dal podcast «Ils Dus Da Nus». Sasez vesan els sco imbattibels, l'istorgia mussa dentant in auter maletg.
