11.01.2026, 08:03 Ura - Crans-Montana e l’etica schurnalistica

La disgrazia da fieu a Crans-Montana ha stgadanà. Lunsch sur ils cunfins dal Vallais e da la Svizra è ella stada tema en tut il mund. Ina tragedia. Umans morts e ferids, malencurada e ravgia, snuizi e dumondas. Igl è ina situaziun d’urgenza cumpletta e cumplexa era per las persunas che han da rapportar dad ella, raquinta Flavio Bundi. Per il chauredactur da RTR èsi dad esser cler, era sch’i fa mal – però: «Nus avain adina ina rolla dubla: d’in maun infurmar e render public ils fatgs e da l’auter maun far quai cun responsabladad envers persunas ed instituziuns.» Co che quai gartegia er en muments da crisa e tge rolla che las directivas publicisticas giogan tar RTR raquinta el en la «Vita e cretta» da questa dumengia.