Siglir tar il cuntegn

Header

audio
Silvia Parli da Flem accumpogna persunas muribundas.
RTR
laschar ir. Durada: 57 minutas 44 Secundas.
cuntegn

«Cun accumpagnar persunas muribundas emprend jau bler da la vita»

E per quai na sajan pleds gnanc necessaris, di Silvia Parli da Flem. Ella accumpogna persunas grevamain malsaunas e muribundas sin lur via vers la mort. Savens en tutta quietezza, da di e da notg.

120 persunas lavuran per l'uniun grischuna TECUM. Cun lur lavur voluntara distgargian ellas ils confamigliars, dentant era instituziuns da tgira ed ospitals ed uschia l'entir sistem da sanadad. Silvia Parli da Flem stat a Turitg e lavura dapi bunamain 3 onns per TECUM. Ella fa mintga mais intgins servetschs. Cun accumpagnar persunas grevamain malsaunas u persunas muribundas è ella simplamain preschenta, emprova da discurrer in pau, prelegia, serva té, gida da star si u ch'ella surpiglia er incumbensas simplas da la tgira.

Silvia Parli resenta quasi adina ina colliaziun speziala cun la persuna ch'ella accumpogna. Avant intgins onns era ella tar si'onda cura che quella è morta nunspetgadamain en sia bratscha. Quai saja stà in mument fitg trist, ma era spezial e decisiv. Ella haja sentì ch'ella accumpagnass gugent er autras persunas sin lur davosa via da la vita.

En vita e cretta raquinta Silvia Parli da l'experientscha d'accumpagnar stretgamain e da sustegnair ina persuna estra e sia famiglia en ina fasa uschè difficila, pertge ch'i dat strusch plaz per superfizialitad en quella lavur e co ch'ella fa era punts tranter persunas muribundas e lur famiglias.

Dapli da «Vita e cretta»

Scrollar a sanestra Scrollar a dretga