Per Johanna Krapf da Raperswil-Jona en mintga cas schont. Mintga giada cura ch’ella vegn ad Andiast en sia abitaziuns da vacanzas pensa ella numnadamain: «Ah bel! Sun puspè qua!» Avant sis onns ha l’autura e scolasta pensiunada cumprà cun ses um, bain be per schabetg, ina abitaziun da vacanzas ad Andiast. Quai per avair in gnieu en las muntognas.
Entant scriva e discurra ella rumantsch e s’engascha per part er en il vitg. «Jau na ma sent betg ester qua», di Johanna Krapf ed explitgescha: «La glieud s’interessa per mai e discurra cun mai, quai che gida da sviluppar in sentiment d’esser dachasa.»
Be ina chaussa manca anc in zic ad ella per propi sa sentir dachasa en il vitget rumantsch en la Surselva: dapli relaziuns, dapli amis ed amias. E cler pudess ella er anc far dapli per s’integrar meglier en il vitg, conceda ella. Dentant da l’autra vart na fetschia quai gea er betg tanta prescha, perquai ch’ella haja gea er peda sco dunna pensiunada da prest 70 onns.
Entant scriva e discurra ella rumantsch e s’engascha per part er en il vitg. «Jau na ma sent betg ester qua», di Johanna Krapf ed explitgescha: «La glieud s’interessa per mai e discurra cun mai, quai che gida da sviluppar in sentiment d’esser dachasa.»
Be ina chaussa manca anc in zic ad ella per propi sa sentir dachasa en il vitget rumantsch en la Surselva: dapli relaziuns, dapli amis ed amias. E cler pudess ella er anc far dapli per s’integrar meglier en il vitg, conceda ella. Dentant da l’autra vart na fetschia quai gea er betg tanta prescha, perquai ch’ella haja gea er peda sco dunna pensiunada da prest 70 onns.
