Per regla è Hans Jakob Riedi bainvegnì. Cura ch’el vegn en ina chombra senta el spert, sch’insatgi giavischa in discurs u betg. Ed el reagescha sin ils basegns da pazientas e pazients. «Igl è adina il pazient che di tge ch’el dovra», di il plevon refurmà da Glion.
Impurtant saja da sentir: tge dovra questa persuna en questa situaziun? La pastoraziun en l’ospital vegn era clamada en cas d’urgenza. E cas d’urgenza en la pastoraziun sajan fitg individuals, di Hans Jakob Riedi. «Quai na sto betg esser ina persuna che mora. Quai po era simplamain esser ina persuna che tschertga il discurs. Il pazient, la pazienta definescha tge ch’è in cas d’urgenza.»
Impurtant saja da sentir: tge dovra questa persuna en questa situaziun? La pastoraziun en l’ospital vegn era clamada en cas d’urgenza. E cas d’urgenza en la pastoraziun sajan fitg individuals, di Hans Jakob Riedi. «Quai na sto betg esser ina persuna che mora. Quai po era simplamain esser ina persuna che tschertga il discurs. Il pazient, la pazienta definescha tge ch’è in cas d’urgenza.»
