Da spendraders e scharlatans – l'istorgia da l’uvestgieu da Cuira

Dacurt è cumparì il cudesch «Das Bistum Chur» che tracta l'istorgia da l'uvestgieu da Cuira da si'entschatta enfin il 19avel tschientaner.

L'ovra è vegnida scritta dad Albert Fischer, l'archivari dal uvestgieu. Cun ses cudesch documentescha Fischer l'istorgia politica, sociala ed ecclesiastica dal Grischun. El porscha al lectur dentant betg mo ina survista cumplessiva, mabain lascha er scuvrir inqual surpaisa. Vita e cretta ha sfeglià en quest'ovra ed ha scuntrà sper uvestgs er spendraders e scharlatans. Ina lectura captivanta betg mo per experts d'istorgia.