Per Dominique Caglia è viver ina vita cun senn ina vita nua ch’ins po viver las atgnas fermezzas, nua ch’ins sa passentar temp cun quai ch’ins fa gugent. Saja quai en la professiun, en famiglia u cun amis. Da sa fatschentar cun chaussas ch’ins fa gugent e ch’ins fa er bain dat senn a la vita. «Tar mai persunalmain fiss quai il rumantsch. Jau ma fatschent gugent cun il rumantsch en la professiun. E jau dun el er gugent vinavant a mes uffants. Jau scriv gugent texts rumantschs. Per mai è il mund da la Rumantschia insatge che dat bler senn en la vita.»
Il senn da la vita saja da contribuir en il mintgadi - en mintga situaziun cun las atgnas fermezzas, vertits e cun quai ch’ins crai - da mantegnair la pasch sin quest mund ed il respect envers il visavi. Dominique Caglia è gist vegnida mamma, per la segunda giada. Ella di, ch’ella haja mai gì dubis da survegnir uffants malgrà ils temps da conflicts e guerras usche manaivel. Cunzunt perquai ch’ella haja il privilegi da viver en Svizra.
Il senn da la vita saja da contribuir en il mintgadi - en mintga situaziun cun las atgnas fermezzas, vertits e cun quai ch’ins crai - da mantegnair la pasch sin quest mund ed il respect envers il visavi. Dominique Caglia è gist vegnida mamma, per la segunda giada. Ella di, ch’ella haja mai gì dubis da survegnir uffants malgrà ils temps da conflicts e guerras usche manaivel. Cunzunt perquai ch’ella haja il privilegi da viver en Svizra.
