En connex cun l’onn sontg ha l’uvestgieu da Cuira organisà in onn da l’uvestgieu. La plaiv da Glion e conturn cun Flurina Cavegn-Tomaschett sco collavuratura pastorala, ha ensemen cun il cussegl pastoral planisà in pelegrinadi da Glion a Cuira tras la Ruinaulta. «Igl è in viadi plus, er in viadi en l’intern. Ins sa fatschenta cun sasez e l’atgna relaziun cun Dieu.»
In viadi plus vul er dir, esser sin viadi ensemen. Sch’ins è sin viadi ensemen, pon ins er sustegnair in l’auter, motivar ni discurrer in cun l’auter. Uschia sco la baselgia sa numna pievel da Dieu sin viadi, di Flurina Cavegn-Tomaschett avant che partir en baselgia parochiala a Glion. Baselgia na saja betg insatge static, mabain dinamic. Ni precisà: baselgia duess esser insatge dinamic en il mund tar ils carstgauns.
Flavia Walder da Sevgein è participada al pelegrinadi perquai che la purschida ha fascinà ella. Ella vuless cunzunt s’entupar cun parochianas e parochians e giudair la cumpagnia e la cuminanza.
La bilantscha da Flurina Cavegn-Tomaschett suenter ils dus dis è positiva. I saja stà in viandar cun plirs plus. Dad ina vart pervia dals carstgauns. In plus dentant er entras il patratg dad esser sin via cun Dieu. Ed ella concluda: «Jau hai durant quest pelegrinadi fatg in’experientscha ch’jau hai gia fatg durant auters pelegrinadis. In turist pretenda, ed in pelegrin engrazia. E quai hai jau er oz sentì. Sch’ins va sco turist han ins tschertas pretensiuns. E sche ti ès sco pelegrin sin viadi n’has ti betg tantas spetgas. Ti ès simplamain engraziaivels.»
In viadi plus vul er dir, esser sin viadi ensemen. Sch’ins è sin viadi ensemen, pon ins er sustegnair in l’auter, motivar ni discurrer in cun l’auter. Uschia sco la baselgia sa numna pievel da Dieu sin viadi, di Flurina Cavegn-Tomaschett avant che partir en baselgia parochiala a Glion. Baselgia na saja betg insatge static, mabain dinamic. Ni precisà: baselgia duess esser insatge dinamic en il mund tar ils carstgauns.
Flavia Walder da Sevgein è participada al pelegrinadi perquai che la purschida ha fascinà ella. Ella vuless cunzunt s’entupar cun parochianas e parochians e giudair la cumpagnia e la cuminanza.
La bilantscha da Flurina Cavegn-Tomaschett suenter ils dus dis è positiva. I saja stà in viandar cun plirs plus. Dad ina vart pervia dals carstgauns. In plus dentant er entras il patratg dad esser sin via cun Dieu. Ed ella concluda: «Jau hai durant quest pelegrinadi fatg in’experientscha ch’jau hai gia fatg durant auters pelegrinadis. In turist pretenda, ed in pelegrin engrazia. E quai hai jau er oz sentì. Sch’ins va sco turist han ins tschertas pretensiuns. E sche ti ès sco pelegrin sin viadi n’has ti betg tantas spetgas. Ti ès simplamain engraziaivels.»
