Il patrun naziunal en in comic rumantsch

Avant 600 onns è naschì il frà Clau da Flia. Suenter ina vita da famiglia sco bab da diesch uffants banduna el cun 50 onns la vita mundana e daventa eremit. Sco tal vegn el clamà per intermediar en ina dispita existenziala tranter ils otg chantuns e vegn sisur onurà sco spendrader da la Confederaziun. Durant la Segunda Guerra mundiala renascha questa veneraziun cun plaina forza, ed il 1947 daventa el in sontg da la baselgia catolica.

En vista al giubileum sistschientenar ha Mariann Wenger-Schneiter creà in comic per raquintar la vita dal frà Clau. RTR ha discurrì cun il traductur da la versiun rumantscha, Giusep Decurtins-Deplazes, sur da questa publicaziun in pau speziala, dentant era sur da l'impurtanza tradiziunala da Sogn Clau da Flia en ina regiun catolica sco la Surselva.

Il pled sin via fa questa dumengia Martin Pernet da Sent.