«L’egualitad absoluta – na vegni mai a dar»

Tenor Susanna Mazzetta ch'è advocata e che lavura dapi 24 onns tar il Post da stab da l'egualitad da las schanzas per dunnas ed umens dal chantun Grischun èsi impurtant da respectar mintga persuna sco ch'ella è. Tuttas e tuts duain vegnir tractads tuttina, guardond sin las pussaivladads ed ils basegns da las singulas persunas.

Sin la via a l'egualitad absoluta èsi da guardar che las persunas vegnan tractadas a moda uschè eguala sco pussaivel. P.ex. ch'umens e dunnas han ils medems dretgs, ch'i dat la medema paja per la medema lavur, etc.