L'istoricher Matteo De Pedrini davart autissem e toleranza

Laschar mintgin sco ch'el è. Laschar a mintgin sia opiniun senza vulair esser daccord. U ditg auter: viver a laschar viver. Uschia definescha l'istoricher Matteo De Pedrini toleranza. Per el è toleranza insatge simmetric, insatge senza ierarchia, chins na pretenda betg d'ina persuna dapli che d'in'autra.

Matteo De Pedrini è dal spectrum autistic. El na spetga betg ch'ins è pli tolerant cun el che cun auters. Quai haja d'ir en omaduas direcziuns, di Matteo De Pedrini en «Vita e cretta». Impurtant è dentant er empatia. E quella manca magari. 

Ivo Orlik frequenta actualmain il studi da scolast primar a Cuira. Ils davos onns ha el lavurà sco creative director en in'agentura da social media. Durant 5 onns ha il sursilvan lavurà en chasa RTR sco moderatur da radio e da minisguard. Sper la lavur è Ivo activ en la musica rumantscha sco «Giganto» e procura cun ses texts per discussiuns.