La communicaziun è ina sfida

Per ina seria da tschintg films ha la redactura da RTR, Isabelle Jaeger, accumpagnà persunas cun in handicap. Ils films raquintan dal mintgadi e da la vita da las persunas.

Redacziun: Claudia Cathomen

I dat er bleras persunas che n'èn betg bunas en communitgar. Saja ch'ellas na lessan betg, saja ch'ellas èn surdumandadas da lur situaziun. La finala ha Isabelle Jaeger chattà tschintg persunas ch'han laschà filmar e mussan lur vita e lur mintgadi.

Da communitgar cun las persunas en ils films è propi stà ina sfida. Isabelle Jaeger ha experientscha cun persunas cun in handicap. Ella ha in figl ch'ha in spectrum autistic. Ella ha mintgatant menziunà ses figl ed uschia ha ella chattà ina basa da partenza communabla.

Singulas contribuziuns

Zum Audio

«Mintga uman è dapli ch’ina diagnosa»

Durada 8 minutas 46 Secundas , Claudia Cathomen

Quai di Matteo De Pedrini en in dals films che la redactura Isabelle Jaeger ha realisà per RTR. Per ina seria da tschintg films ha ella accumpagnà persunas cun in handicap. Ils films raquintan dal mintgadi e da la vita da las persunas.

Cumenzà cun la lavur da tschertgar persunas ha Isabelle Jaeger gia la stad passada, er via organisaziuns sco Pro Infirmis u Procap. Il punct da partenza è stà quel che las persunas han duì discurrer sezzas e decider er per sasez tge ch'ellas vulan mussar en ils films, e nua ch'ils cunfins èn.