«Las dunnas stuessan esser dapli rebellas»

I dat ozendi dapli pussaivladads per las dunnas giuvnas da sviluppar e da concretisar lur ideas che pli baud. Ma las dunnas stuessan esser pli rebellas e pli frechas ed avair dapli curaschi per chattar novas vias. Quai di l'istoriografa Silke Redolfi ch'è la manadra da l'archiv cultural da dunnas dal Grischun.I saja in svilup legraivel ils davos decennis che mintga dunna ha la libertad da decider sezza tge ch'ella vul far cun sia vita. Sustegnair las dunnas pon ins cun respectar lur decisiun, lur moda e maniera da viver. E far visibel dunnas che van in'autra via.