Mariano Tschuor: «Pader Flurin Maissen era in misteri»

Pader Flurin Maissen è mort ils 3 d'avrigl avant 25 onns. El era in pader ch'ha laschà enavos fastatgs. Pader Flurin ha studegià pedagogia, istorgia, istorgia dart e musica. Pli tard anc scienzas natiralas. Vegnì enconuschent è el per ses engaschament per il rumantsch e per l'ambient.

Redacziun: Claudia Cathomen

Pader Flurin aveva interess da tut, dentant be fin in tschert punct. Cura ch'el aveva l'impressiun ch'el sappia tut e haja ditg tut, gieva el tar in auter tema. Pader Flurin s'engaschava fitg per la natira, per proteger quella. Per exempel ha el cumbattì per las auas restantas dal Rain ni er fatg polemica en connex cun la Greina. Quai per preservar la natira dal abus total perquai che la natira era per el dapli che be in niz economic.

Singulas contribuziuns

Zum Audio

Mariano Tschuor: «Pader Flurin Maissen era in grond spiert liber»

Durada 15 minutas 37 Secundas , Claudia Cathomen

Il pader benedictin era independent, in um che gieva sia via. Ma adina en quella lingia da l'evangeli dal predi dal culm, di Mariano Tschuor en vita e cretta ch'è stà in cumpogn da viadi da Pader Flurin Maissen. Il carstgaun saja ina stgaffiziun directa divina, ergo stoppian ins respectar el dad A fin Z. Quai valia era en sia libertad da laschar patratgar il carstgaun quai ch'el vul patratgar, la devisa da Pader Flurin Maissen.