«La cuminanza è insatge che gida la glieud da restar cuntenta e fortunada», di la presidenta communala da Puntraschigna, Nora Saratz Cazin, en l’emissiun «Vita e cretta». Ella crai, che las vischnancas pon gidar da mantegnair la cuminanza e che lezza po sustegnair la ventira.
Ina chaussa che plascha a Nora Saratz Cazin fitg bain vi da la lavur politica è, ch’ella è fitg diversa, ch’ins ha da far cun las pli differentas persunas ed x-differents temas. Ina da las pli bellas chaussas è – avant ch’ins chatta la soluziun – ils discurs e las discussiuns. Effect sin la ventira da la populaziun n’han dentant betg ils gronds projects, mabain las pitschnas prestaziuns a favur da la vita sociala e da la cuminanza.
La gronda part dal temp liber passenta Nora Saratz Cazin cun sia famiglia. «Tge ch’jau fatsch fitg gugent è da pitturar cun mes uffants e da lavurar en iert. Quai èn quels dus lieus ch’jau poss vegnir surengiu e ma focusar».
Ina chaussa che plascha a Nora Saratz Cazin fitg bain vi da la lavur politica è, ch’ella è fitg diversa, ch’ins ha da far cun las pli differentas persunas ed x-differents temas. Ina da las pli bellas chaussas è – avant ch’ins chatta la soluziun – ils discurs e las discussiuns. Effect sin la ventira da la populaziun n’han dentant betg ils gronds projects, mabain las pitschnas prestaziuns a favur da la vita sociala e da la cuminanza.
La gronda part dal temp liber passenta Nora Saratz Cazin cun sia famiglia. «Tge ch’jau fatsch fitg gugent è da pitturar cun mes uffants e da lavurar en iert. Quai èn quels dus lieus ch’jau poss vegnir surengiu e ma focusar».
