Samar: «Sa vesair è il cumenzament da mintga soluziun»

Quai di la dunna palestinaisa Samar Qupty. Ella è ina da quatter giuvnas palestinaisas che la fotografa gidieua Iris Hassid ha purtretà dal 2014 fin il 2020. Da la relaziun da las dunnas, da lur inscunters e discurs èn resultads in cudesch da fotografias ed in'exposiziun.

Sut il titel «A Place of Our Own» vegnan tematisadas fassettas da la realitad da giuvnas studentas palestinaisas en l'eterogenitad da la societad israeliana.

Oriundamain è l'exposiziun vegnida concepida per il museum gidieu ad Amsterdam. Quest matg ha ella dentant fatg midada en in auter museum gidieu, numnadamain en quel a Hohenems en l'Austria be gist sur il cunfin svizzer.

A l'avertura da l'exposiziun en il museum gidieu è Vita e cretta sa messa a la tschertga dals fastizs da las quatter dunnas palestinaisas e la fotografa gidieua – e quai exact 75 onns suenter la fundaziun dal stadi d'Israel ils 14 da matg 1948.

Singulas contribuziuns

Zum Audio

«A Place of Our Own» part 1

Durada 6 minutas

Sut il titel «A Place of Our Own» vegnan tematidadas fassettas da la realitad da giuvnas studentas palestinaisas en l'eterogenitad da la societad israeliana. Oriundamain è l'exposiziun vegnida concepida per il museum gidieu ad Amsterdam. Quest matg ha ella dentant fatg midada en in auter museum gidieu, numnadamain en quel a Hohenems en l'Austria be gist sur il cunfin svizzer. A l'avertura da l'exposiziun en il museum gidieu è Vita e cretta sa messa a la tschertga dals fastizs da dunnas palestinaisas – e quai exact 75 onns suenter la fundaziun dal stadi d'Israel ils 14 da matg 1948.