In impurtant motiv per la digren saja en omaduas baselgias ch'ins possia uschia spargnar taglia. Reducir offertas u stritgar plazzas, quai n'è il mument dentant nagin tema, di Thomas Bergamin, il president da la Baselgia catolica dal Grischun. Il grond problem da la baselgia catolica saja d'insumma chattar spirituals. E quai vala er per la baselgia refurmada. Il criteri il pli impurtant per ils pertschients dad ina plazza saja il dumber da las commembras e dals commembers, di Peter Wydler ch'è actuar da la Baselgia refurmada dal Grischun. Pitschnas raspadas cun pitschens pensums per la reverendessa han difficultads da chattar insatgi, perquai ch'in minipensum na bastia betg per viver.
Sminuziun da commembers tar las baselgias e las consequenzas
Omaduas baselgias cristianas perdan er en il chantun Grischun commembras e commembers. Tant la baselgia catolica sco er la baselgia refurmada manegian d'avair identifitgà il problem. Uschè grond na saja el dentant anc betg.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
