Il «Stabat Mater» è ina poesia dal 13avel tschientaner che descriva l'emoziun da Maria sut la crusch.
Era sche questa poesia na fa betg (pli) part da la liturgia dal temp da la Passiun, As proponin nus da tadlar musica inspirada da la dolur dad ina mamma che contempla la bara da ses uffant.
En il center da questa emissiun stat il «Stabat Mater» dal cumponist eston Arvo Pärt. Questa ovra dal 1985 dat cunzunt era plazza al silenzi ed al vid ch'ina mamma po resentir en ina tala situaziun.
En il pled sin via accumpagnain nus il reverenda Christoph Reutlinger ad ina represchentaziun da la Passiun tenor son Gion da Johann Sebastian Bach. Tge emoziuns sveglia la musica da Bach? Po quai esser in «divertiment», malgrà il fatg che nus udin e resentin era suffrientscha en questa musica?
