Tranter tut ils terratrembels geopolitics e finanzials ch’el ha mess en moviment datti era midadas significantas che fan pli pauca canera – quellas che reguardan cretta e religiun. Tgeninas ch’el ha instradà ha Trump sclerì gist sez il cumenzament da settember. Sut il titel «President Trump’s Top 100 Victories for People of Faith» ha la Chasa alva a Washington publitgà sias 100 victorias principalas per crettaivlas e crettaivels. Trump, sias empermischuns e la religiun – da quai discurra la «Vita e cretta» cun Claudia Franziska Brühwiler, professuressa per americanistica a l’Universitad da Son Gagl. Il discurs avain nus registrà la damaun suenter il mazzament da l’influencer conservativ Charlie Kirk. L’emprima part udis Vus en la «Vita e cretta» da questa dumengia u sin rtr.ch.
cuntegn
21.09.2025, 08:06 Ura Trump e las 100 victorias per la cretta
Di per di scurlatta Donald Trump il mund cun sias acziuns, e quai dapi ch’el è daventà per la segunda giada president dals Stadis Unids.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
