Otg onns ha Catia Niedermann instruì religiun, il pli gugent ha ella dà lecziuns als giuvenils: «Là sa cristallisavan bunas discussiun davart la vita, dubis e dumondas en connex cun Dieu e la cardientscha», sa regorda ella. En «Vita e cretta» da questa dumengia discurra Catia Niedermann davart la scolaziun da catechesa che cumenza il november e l’impurtanza che quella ha per il futur da la baselgia catolica. Dapi l’entschatta dal 2024 è Catia Niedermann scolasta e mentura da catechesa tar il Post da cumpetenza da la Baselgia catolica dal Grischun a Cuira. Ses giavisch è da pudair recrutar novas persunas che s’engaschan per la cardientscha e sa sentan prontas da dar vinavant las valurs da la vita als uffants. Quant simpel u quant grev èsi da persvader uffants per temas da religiun? Co sa preschenta la situaziun en classas cun uffants da differentas confessiuns? E co sa mussan las extradas da la baselgia sin las instrucziuns da religiun en scola? Respostas tar ils differents temas dat Catia Niedermann en il magazin d’etica e religiun «Vita e Cretta».
cuntegn
19.10.2025, 08:03 Ura Catia Niedermann: «Catechesa è ina missiun dal cor»
«Avair ina sauna relaziun tar la religiun, lavurar gugent cun uffants e giuvenils ed avair il cor en il dretg lieu», uschia declera Catia Niedermann da Domat las premissas da basa per absolver la scolaziun da catechesa.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
