Uras per votar da la nova constituziun

Ils 10 da zercladur voteschan radund 57'000 persunas da la confessiun evangelic-refurmada davart la revisiun totala da la constituziun da lur baselgia chantunala. Ina revisiun ch'è vegnida messa sin via avant 11 onns. Igl è pia uras da votar e decider. Quai manegia almain in dals commembers dal cussegl-baselgia.

Era nus vulain dar in sguard sin questa votaziun, l'istorgia da quella e daco ch'i ha duvrà 11 onns per finalmain pudair votar. Tge sa mida per il pievel evangelic, per las plaivs e tge sa mida per las ed ils reverendas? Po ina constituziun revedida per exempel gidar da franar las sortidas da la baselgia evangelica? Vita e cretta emprova da chattar respostas.