En l’Italia cumbatta Garibaldi per l’independenza, a Vienna revolteschan lavurantas e lavurants, a Frankfurt e Paris debatteschan assambleas naziunalas da constituziuns – l’onn 1848 è in onn sco nagin auter en l’istorgia europeica. Tut l’Europa è en moviment e cumbatta per dretgs e libertads.
In stadi è pli spert co tut ils auters, La Svizra. L’onn 1848 entra en vigur la constituziun federala e cun quai nascha amez l’Europa l’emprim stadi modern. La via a quella constituziun era dentant spinusa, er ord perspectiva grischuna.
Cun la Marella envida Isabelle Jaeger ad ina gita istorica 175 onns enavos – en l’onn da naschientscha da la constituziun federala.
I stan sper vias, en curtins, biros e stallas, en citad u sin il pajais. Els èn uschè divers sco la Svizra, ma insatge han els tuts en cuminanza – ils umans, ch’il fotograf Dominic Büttner ha purtretà legian artitgels da la constituziun federala. Quai fan els en tudestg, franzos, taglian e rumantsch.
Cun els tuts inscenescha inscenescha il fotograf svizzer Dominik Büttner la constituziun federala en tun e maletg. Sia motivaziun e la passiun ch’el ha per l’ovra grondiusa, che la constituziun federala è.
La versiun rumantscha n’è anc betg terminada. Proximamain è Büttner en viadi en l’Engiadina, ensemen cun Conradin Klaiss, ch’è ses sustegn rumantsch en chaussa constitutio.ch
