Siglir tar il cuntegn

Header

audio
Buna scola: «Pensums da chasa na dovri betg»
Or da Vita e cretta dals 23.10.2022.
laschar ir. Durada: 59 minutas 30 Secundas.
cuntegn

Buna scola Pensums da chasa na dovri betg

Quai di Adrian Candinas ch’è scolast a la scola da talents da Cuira. In deficit pervia da quai n’ha el betg, di Joshua Derungs ch'ha frequentà la scola da talents e fa uss in emprendissadi da commerziant.

Ina buna scola èsi en quel mument che scolaras e scolars van gugent a scola. Pir ils davos trais onns da ses 11 onns è Joshua Derungs ì gugent a scola. Fatg la differenza ha il sistem a la scola da talents a Cuira. Il cumenzament da l’emna datti finamiras e vid quellas vegn lavurà l’entir emna, mintgina e mintgin en ses tempo. Ils scolasts, las scolastas stattan adina a disposiziun per gidar.

Ils scolasts eran coachs – els han gidà mai en tuttas dumondas, quai era genial per mai.
Autur: Joshua Derungs Anteriur scolar da la scola da talents a Cuira

Ina buna instrucziun fa ora l’autenticitad dal scolast, sch’ils scolars sentan che quel manegia serius quai ch’el pretenda dals scolars.

Il scolast è l’architect da la proxima generaziun.
Autur: Adrian Candinas Scolast a la scola da talents a Cuira

Impurtant per che scolaras e scolars van gugent a scola è transparenza, di Adrian Candinas. Sch’ins lavura cun in plan da l’emna lura han ins quella transparenza. Ils uffants ed ils giuvenils san tge ch’els ston far e san parter en sez la lavur. Quai maina tar fitg bler responsabladad. Ma ils scolars e las scolaras survegnan il sentiment ch’els han influenza. E quai èn duas impurtantas cumponentas che laschan crescher la motivaziun.

Nus ans stuain sviluppar – dal savair al chapir.
Autur: Adrian Candinas Scolast
audio
«Pensums da chasa na dovri betg»
ord Vita e cretta dals 23.10.2022.
laschar ir. Durada: 14 minutas 23 Secundas.

 

RTR Vita e cretta 08:00

Artitgels legids il pli savens

Scrollar a sanestra Scrollar a dretga