Ils emprims gimnasis planiseschan da reducir u da stritgar ils pensums da chasa. Il squitsch saja memia grond, uschia l’argumentaziun. Questa mesira è dentant dispitaivla. D’abolir ils pensums fiss in affrunt envers las emprendistas ed ils emprendists che vegnian sin in pensum emnil da 42 uras cun ir a lavurar ed ir a scola, durant che gimnasiasts stoppian be ir 26 uras a scola. En pli hajan els 13 u 14 emnas vacanzas, emprendists be tschintg emnas. Quai ha ditg Stefan Wolter, il directur dal Center svizzer da coordinaziun per la retschertga da l’educaziun, envers la «SonntagsZeitung».
«Ina sgnocca»
Konrad Kuoni, il president da l’uniun turitgaisa da la magistraglia da la furmaziun professiunala manegia ch’i saja ina sgnocca da stritgar ils pensums da chasa. Uschia vegnia l’inegualitad tranter gimnasiastas ed emprendistas augmentada.
Or da l'archiv:
