Maluns, capuns e subvenziuns. Cun quest pregiudizi vers ils Rumantschs vegnan ins adia puspè confruntà da noss vischins en Svizra. Nus sajan tuts chatschaders ed insumma saja il sulet che collia nus, il cumbat linguistic. Putgà che tut quels defensurs da stereotips han manchentà l’emprim Festival da la chanzun rumantscha e cun quai la chaschun da sentir ina chaussa ch’è en mintga cas tipica per nus Rumantschas e Rumantschs: nossas chanzuns. Chars vischins, per plaschair davent dad ussa: Maluns, capuns e chanzuns!