Siglir tar il cuntegn

Header

cuntegn

Nossa cuschina Gin tonic cun mail granat

Gust sin in pau variaziun en tes magiel? Tar questa porta spetga tai in recept per in bun gin tonic cun mail granat.

2 magiels
temp da preparaziun: 15 minutas

Ingredienzas

  • quadrins da glatsch
  • 8 cl gin
  • 400 ml tonic
  • 1/2 mail granat
  • 1 oranscha (bio)
  • 2 romins da rosmarin
  • 8 cl sirup da grenadina
Rezept für Weihnachtsapero: Granatapfel Gin Tonic
Legenda: RTR

Tip

Avrir la box Serrar la box

Ils sems d'in mail granat sa laschan prender or il meglier en ina gronda cuppa cun aua. Ils sems van a bass e las paletschinas alvas sa nodan sur l'aua. En quella moda na squittan ils sems era betg tras la cuschina. Tenor gust agiuntar in zic dapli u damain sirup. Tgi che vul po smatgar ora la mesa oranscha restanta e svidar tiers il suc frestg.

Preparaziun

  • Prender or ils sems d'in mez mail granat (vesair il tip survart).
  • Tagliar duas rudellas d'oranscha.
  • Metter en ils magiels ils quadrins da glatsch ed ils sems dal mail granat.
  • Derscher tiers il gin ed il tonic.
  • Agiuntar il sirup da grenadina.
  • Decorar il sitg cun ina rudella d'oranscha ed in romin da rosmarin.
  • Betg emblidar da truschar il sitg avant ch'al giudair.

A maisa – chalender d'advent

Artitgels legids il pli savens