20 pitschnas cullas
temp da preparaziun: ca. 20 minutas
Ingredienzas
- 150 g chaschiel-chaura (ina rolla)
- 150 g chaschiel frestg cun groma dubla
- 1 piz dal cuntè chanella (tenor gust)
- 1 tschadun pitschen mel d'avieuls
- 1 presa sal e paiver
- 30 g giglidras americanas setgas (cranberrys)
- 80 g nuschs u sems (p.ex. nuschs ubain nuschegls da pinias)
- 15 g peterschigl/tschagugliuns
Legenda:
RTR
Preparaziun
- Tagliar il chaschiel-chaura en quadrins e smatgar quels cun ina furtgetta.
- Maschadar bain en ina cuppa il chaschiel-chaura, il chaschiel frestg, la chanella ed il mel d'avieuls e cundir cun sal e paiver.
- Metter a frestg la massa.
- Manizzar fitg fin las giglidras americanas (cranberrys), las nuschs, ils sems e las ervas e metter tut separadamain en cuppinas pauc profundas.
- Purziunar la massa da chaschiel frestg cun dus tschaduns en ca. 20 cullas tuttina grondas e rudlar quellas cun ils mauns fin ch'ellas èn radundas.
- Cuvrir las pralinas enturn cun ina rasada da giglidras americanas (cranberrys), nuschs, sems u ervas – mintga culla mo cun in u cun plirs gusts.
- Conservar en frestgera las cullas fin ch'ellas vegnan servidas.
