Siglir tar il cuntegn

Header

audio
Bajegiar ch'i funcziuna per tuts
Or da Vita e cretta dals 08.05.2022.
laschar ir. Durada: 55 minutas 29 Secundas.
cuntegn

Construir senza obstachels Access liber a la chasa vala gia bler

Dapi l'onn 2004 stuessan chasas ed abitaziuns novas esser accessiblas per sutgas cun rodas. E dapi il 2019 stuessan era las abitaziuns sezzas vegnir bajegiadas lasuenter. Quai vala tenor lescha per tut ils bajetgs e chasas d'abitar cun passa quatter abitaziuns.

Las autoritads da vischnanca èn dumandadas per chattar soluziuns.
Autur: Roman Brazerol Architect da la Pro Infirmis

Tenor l’architect Roman Brazerol dal post da cussegliaziun «Bajegiar senza obstachels» da la Pro Infirmis Grischun è gia 80% cuntanschì sch’ins po enfin tar l’entrada da la chasa senza obstachels. En l'abitaziun sezza saja impurtant che la duscha saja gronda avunda, che la cuschina saja adattada per ina persuna en sutga da roda, ch’ina chombra funcziuna e che las portas sajan ladas avunda.

audio
Construir senza obstachels
ord Vita e cretta dals 05.05.2022.
laschar ir. Durada: 9 minutas 47 Secundas.

Problems en il Grischun vesa Roman Brazerol tar la cifra d’utilisaziun cunzunt en spundas taissas pervia da l’autezza da la chasa. Uschia ha el gia fatg l’experientscha che l’access tar la chasa aveva obstachels. E qua èn las autoritads da vischnanca dumandadas per chattar soluziuns.

Umans cun in impediment pon sa participar a la vita sociala pir cura ch'ils obstachels da construcziun èn eliminads.
Autur: Pro Infirmis Grischun
Purtret dad ina persuna en sutga cun rodas avant stgalas.
Legenda: Stgalas – in obstachel insurmuntabel en sutga cun rodas RTR

Deficits en il traffic public vesa Reto Brazerol cunzunt en la periferia. A Cuira è l’infrastructura adattada, ma pli lunsch davent da Cuira e pli grev èsi per persunas cun impediment da duvrar il traffic public.

Pli lunsch davent da Cuira e mender ch’igl è.
Autur: Roman Brazerol Architect che cusseglia en connex cun construir senza obstachels

RTR Vita e cretta 08:00

Artitgels legids il pli savens

Scrollar a sanestra Scrollar a dretga