Giovanni Cajacob è vegnì chattà mort en la tualetta da l'ustaria da vitg. Spert èsi stà cler ch'i sto esser stà insatgi dals preschents.
Forsa Frederica Maier ch'avess ertà?
Forsa Gian-Franco Desax ch'ha senza raschun evidenta zuppentà sia buis?
Forsa Marcellina Ginestra ch'ha gì discletg cun la corda da pestga?
Forsa Robert Schweri ch'ha ditg manzegnas pertutgant sia lavur?
...
Betg be las acturas ed ils acturs laics da l'emprim «Mortori a…» han gì da dar giu in tip, er il public ha gì la pussaivladad da lignar tgi ch'era l'assassin. Ma la fin finala poi be esser in – e tranter tut las inoltraziuns correctas èsi vegnì tratg la sort.
Gudagnà il bon da 150 francs per in'ustria ha: Patric Tuor da Trun
Cordiala gratulaziun!
Ma tgi èsi uss stà? El ch'era repedidamain vilà perquai ch'il mort Giovanni Cajacob ha fatg la crusch cun il maun sanester. Cura ch'il plevon Alfons Desax ha anc ina giada stuì patir questa blasfemia eri ina giada da memia ...