Uss sfurmiclan ils poleschs verds gia dapi in temp. La naiv lieua era en ils lieus pli ad aut en il Grischun ed ortulanas ed ortulans siemian da lur paradis en iert e curtin. Il temp da semnar e plantar da dretg è bainbaud qua. Salatas, rischcotschnas, ravas, fava u cucumeras duain crescher en las eras, fluras en tuttas colurs duain far parada sin Voss balcuns e Vossas terrassas.
Mintgatant dovri dentant cussegls, tips e trics per ch'il curtin daventia il paradis da siemi. Insects e vermaniglia han appetit, magari n'è il terratsch betg il vair, forsa ha ina u l'autra planta memia pauc u memia bler sulegl, u co èsi da bagnar per betg far donn.
La flurista e mainafatschenta Elisa Bonorand-Müller da la Giardinaria Müller a Susch era sin visita en il studio per respunder live a Vossas dumondas davart l'iert e curtin.
-
audioTge far encunter plugls?13:49 min, ord Actualitad dals 22.04.2021.laschar ir. Durada: 13 minutas 49 Secundas. -
audioTge far sche la feglia vegn melna?10:48 min, ord Actualitad dals 22.04.2021. Maletg: RTRlaschar ir. Durada: 10 minutas 48 Secundas. -
audioTge far sche jau hai plontinas en iert che jau na less betg?07:40 min, ord Actualitad dals 22.04.2021. Maletg: Keystonelaschar ir. Durada: 7 minutas 40 Secundas.
-
audioTge sche mias orchideas na flureschan betg pli?07:10 min, ord Actualitad dals 22.04.2021. Maletg: Keystonelaschar ir. Durada: 7 minutas 10 Secundas.
